وصفة بلدية فى علاج الامراض النفسية

 

وصفة بلدى بسيطة او روشتة علاج سهله لعلاج اغلب الامراض النفسية

 

 

 

 

 

 

بداية كده و بكل وضوح مفيش انسان مريض نفسى بدرجة مائة فى المائة و نفس الشئ مفيش انسان خالى من العيوب النفسية كل البشر فيهم جزء كبير او صغير من الامراض او المشاكل النفسية و على حسب حجم النسبة دى فى الانسان بنحدد خطورة المرض و بنحدد قد ايه هو مريض و بالعكس كمان كل ما تقل نسبة الخلل النفسى فى الانسان نقدر نحدد مدى توازن الانسان و انسجامه مع نفسه و مع عالمه

 

 

الكلام ده محتاج شوية توضيح و لكن بدون اطالة ولا رغى كتير

 

شخصية الانسان بتتكون من عدة جوانب او عوامل و هى اللى بتشكل تركيبته النفسية

فمثلا نقول شخصية الانسان و تركيبته النفسية تتكون من عدة عوامل و هى كالتالى

 

المكونات الاساسية لشخصية الانسان بالتقريب

 

الاخلاق

 

التربية

 

العلم

 

الادب

 

الدين

 

الاستهبال

 

البجاحه

 

المرض النفسى

 

 

سأطرح فكرتى بشكل جديد و مختلف و سنتخيل ان لدينا الان مريض نفسى يعانى من احدى الامراض النفسية

و فكرتى فى العلاج و قبل ان ندخل فى العلاج النفسى المتخصص للمرض النفسى ان نقوم بالعمل على السبعة عوامل السابق ذكرهم و هم الاخلاق و التربية و العلم و الادب و الدين و الاستهبال و البجاحه

 

 

نبدا اولا فى العمل مع المريض فى النقاط السبعة التى سبق ذكرهها و نترك نقطة المرض النفسى فى نهاية العلاج

 

لو طبقنا هذا المبدأ و هذه الفكرة سنرى ان المرض النفسى يمثل نسبة تقل عن 15 بالمأئة فى تركيبة الانسان النفسية و سنرى ايضا ان المرض النفسى عند هذا الشخص ليس هو المسؤل عن كل مشاكل و مصائب هذا المريض فى حياته و انما توجد عوامل اخرى تسبب له المتاعب و انا هنا لا اقلل من خطورة و تأثير الامراض النفسية على حياة البشر و لكن اؤكد و اقول كم من الجرائم و الفظائع و البجاحات ترتكب بأسم الامراض النفسية

 

 

و حتى نفهم يجب ان نتحدث عن كل نقطة سبق ذكرها من النقاط السبعة

 

النقطة الاولى

الاخلاق

انسان معندوش اخلاق هو كده ممكن ملقاش حد يهذبه برضه جايز البيئة عملت فيه كده و ده كمان احتمال وارد و لكن ما علاقة نقص الاخلاق عنده بمرضه النفسى و من قال ان المرضى النفسيين عديمى او معدومين الاخلاق هذه فرضية خاطئة جدا لانه يوجد مريض نفسى على خلق عالى و يوجد مريض نفسى اخلاقه واطيه و نوع المرض النفسى و خطورته ليست ابدا هى التى تحدد اخلاق الانسان

 

 

النقطة الثانية

التربية

المريض النفسى و هو فى الاصل انسان سؤاء قبل ان يصبح مريض او بعد مرضه فلابد و انه حصل على قدر معين  من التربية و التربية نحصل عليها فى المنزل من الاهل و الاقارب و من الاصدقاء و من خلال المدرسة و المجتمع العام و من كل الوسائل الكثيرة التى ترسل الينا من خلال الكثير و الكثير من طرق و اساليب مختلفة فى التربية و التربية نجدها فى الكتب ايضا و نجدها فى الشارع فى اعمال الناس الطيبة و المريض النفسى اللى مش متربى انصحه الاول انه يصلح من نفسه قبل ما يطلب من الطب النفسى انه يعالجه لان علم النفس ليس لديه علاج لمريض معندوش تربية و انما علم النفس يعالج فقط الامراض النفسية

 

 

النقطة الثالثة

العلم

قلة العلم و نقص المعرفة و المعلومات تعتبر اكبر كارثة فى حياة المريض النفسى و الجاهل عدو نفسه و الاخريين ايضا و كلما ذاد جهل المريض بحياته و بعالمه و بمشاكله ذادت مشاكله و تعقدت امراضه و ربما تزيد الامراض ايضا و المعرفة تسهل للمريض معرفة حقيقة مشاكله و تفتح له الطريق لحلول تؤدى الى شفائه و لكن تذويد المرضى النفسيين بالعلم و المعرفة ليس مكانه العيادات النفسية فى العيادات النفسية يمكنك فقط ان تحصل على معلومات على علاقة بمرضك فقط و لكن ماذا عن بقية المعلومات و كيف ستحصل عليها و هذه تكون مشكلتك انت و ليست مشكلة المعالج النفسى

 

 

النقطة الرابعة

الادب

بالعربى كده مفيش ائ سبب او ائ اعذار تجعلك انسان قليل الادب مع الاخريين عشان انت مريض نفسى او حتى مريض بأئ مرض تانى و انا بصراحة مش عارف لحد دلوقتى ايه وجه الارتباط الشديد بين قلة الادب و بين بعض المرضى النفسيين عاوز افهم ليه بعض المرضى النفسيين بيكونوا مش مؤدبين و ايه السبب فى ده و ايه علاقة ده بالمرض اللى عندهم و ده سؤال لاحدى المرضى النفسيين من قليلى الادب فى التعامل مع الناس انت بتعمل كده ليه و ليه بتجرح الناس ولا انت بتعمل ده بشكل لا ارادى و رغم هذا انا اؤكد انه يعلم جيدا انه يجرح الاخريين و لديه القدرة على اتخاذ القرار و لكنه ربما لا يشعر بتأنيب الضمير و هذا مرضه و لكن هذا لا يهم كثير فلدينا عدد كبير من الناس قد جرحوا نفسيا و معنويا على يد هذا المريض و الغريب ان المريض يعلم ان ضحاياه تزيد يوما بعد يوم و لم يفكر ان يغير نفسه و هو مستمر فى قلة الادب و الوصفة للنوع او الحالة دى انه يتحرم من العلاج النفسى لحد ما يتعلم الادب و بصراحة المفروض ان كل الحالات تتحرم من العلاج لحد ما تتخلص من العادات السيئة المكتسبة و اكتساب عادات جيدة جديدة و بعدها ننتقل الى مرحلة العلاج النفسى و هى اخر المراحل و تذكرنى هذه الطريقة و هذه المنظمومة بطريقة التمرين للمجندين فى اغلب الجيوش و سارشحها بتفصيل حتى نفهمها

 

 

طريقة تأهيل و تدريب المجندين هى نظرية رائعة جدا جدا و هى تعتمد على التعامل مع الامور من مبدا ان نعالج او نبدا من الاصعب و الاهم و بالتدريج حتى نصل الى الاقل اهمية و الاقل خطورة و يتم هذا فى تسلسل عمليات رياضية بسيطة و لكنها مؤثرة يأتى المجند الى مركز التجنيد ليقدم اوراقه و اول ما يحدث هو التنبيه على ان يكون معه كل ما لديه من اوراق او شهادات صحية و بعدها يكون الكشف الطبى البدنى و المقبولين يذهبون بطبيعة الحال الى المعسكرات و يبدأون و من اللحظة الاولى بتغير ملابسهم و الاستحمام و ارتداء ملابس الجندية و عملية الاستحمام هنا لها دلالاة عظيمة المقصود بها النظافة و ايضا قطع علاقتك مع الجانب المدنى اثناء فترة التجنيد و يأتى دور قص الشعر و علاج بعض الامراض الجلدية و علاج بعض الامراض الخفيفة ان وجدت و يقوم الجنود الجدد بغسيل ملابسهم و تنظيف اماكن نومهم على اكمل وجه و بعدها يكونوا مستعدين بشكل كبير للدخول فى عمليات التدريب و التدريب عمل شاق و طويل و لكنه يكون على مراحل و بتنظيم و صبر و هكذا يتم الانتقال من خطوة صغيرة الى خطوة اكبر و نفس الحال بالنسبة للمشاكل و تعالج المشاكل فى وقتها و فى دورها المحدد لها و حتى لا يحدث انهيار فى المنظومة

 

و نفس الحال فى العلاج النفسى لا يمكنك ان تسبق خطوة على خطوة اخرى فكل شئ مدروس و له توقيت و توجد مشاكل مهمه و مشاكل اقل اهمية

 

 

النقطةالخامسة

الدين

لا يوجد ائ شك ان للدين تأثير كبير على نفوس و افعال البشر و الدين يمثل جزء ليس قليل من شخصيتك و من تركيبتك النفسية و لو كان هذا الجزء الخاص بالعقيدة يوجد به خلل كبير او عدم وضوح الرؤيا فلن يستطيع علم النفس ان يساعدك و امور الدين يمكننا ان نتحدث فيها فى اى مكان فى العالم و لكن ليس مع المعالج النفسى لان المعالج النفسى ليس من ضمن عمله ان يصحح او يفتى او يؤكد او ينفى ائ امر من امور الدين و لذلك يبقى موضوع الدين مسألة شخصية يجب ان تحلها بنفسك و بطريقتك الخاصة

 

 

النقطة السادسة و السابعة

الاستهبال البجاحة

فى النقطة دى هتكلم عن مثال حى لمريض نفسى التقيت بيه فى حياتى او بمعنى اصح مريض نفسى عنده نسبة الاستهبال عالية شوية و مش بس كده انتم هتتفاجوأ ان المقالة و السبع نقاط اللى ذكرتها كلها موجودة فى الشخص المريض ده

 

المريض ده قابلته لفترة قصيرة جده و قبل ما اشوفه سمعت عنه نصف دستة امراض من كلام الناس عليه و قابلته و كنا مجموعه اصدقاء اخريين و جلسنا كلنا مع بعض لمدة 3 ساعات و فى مرة اخرى جلست معه ساعة كاملة بمفردى و هو بالطبع يعرف اننى معالج نفسى و هنا مش بس الاستهبال و تكون البجاحة كمان و كنا نجلس فى الباص فى رحلة قصيرة لمدة 45 دقيقة و سألنى سؤال غريب جدا هل ترغب فى ان تعالجنى و قال ايضا انه يعلم ان لدية جميع العقد النفسية الموجودة فى البشر هى توجد به و سألنى ما هو مرضى و بطبيعة الامر التزمت انا الصمت و لم ارد عليه و جلست استمع اليه فقط و لكنى ندمت على صمتى و لو عاد هذا الانسان اليوم امامى ساقول له انت بنسبة لا تقل عن 15 فى المائة انسان قليل الادب و تجرح الناس و من فضلك تخلص من هذا و اصبح مهذب و سأقول له انت بنسبة  فى15 المائة انسان ليس لديك اخلاق و لا تعرف و تفهم فى الذوق و تجرح الناس و انت تضحك و من فضلك اذهب و حسن اخلاقك و ساقول له ايضا انتى تدعى ان لديك علم كبير و تعرف فى علوم كثيرة و لكن هذا ليس صحيح و الدليل انك و بكل علمك و مركزك الكبير تتصرف مع الناس و كأنهم عبيد عندك و قد انتهى عصر العبيد و انت لا تعلم اذهب الان و انزع ثوب العظمة و كن متواضع و تعلم من الاقل منك علما و سأقول له اخيرا يكفيك استهبال فأنت مريض نفسى بنسبة 15 فى المائة فقط و الباقى استهبال على بجاحه على قلة ادب على عدم اخلاق على قلة دين على قلة علم و قلة رباية كمان

 

روح خلص نفسك الاول من الاستهبال و من البجاحة و من قلة الادب و من قلة الرباية و صلح اخلاقك و خلى عندك دين و اتعلم حاجه مفيدة و بعدها هتفضل حاجه صغيرة قوى قوى قوى فى دماغك اسمها المرض النفسى ابقى تعال و احنا نعالجك منها بكل سهولة

 

 

 

 

مدحت ملاك